IELTS (International English Language Testing System) ინგლისური ენის ერთ-ერთი ყველაზე ცნობილი საერთაშორისო გამოცდაა. მას უნივერსიტეტები, დამსაქმებლები და საიმიგრაციო სამსახურები მთელ მსოფლიოში აღიარებენ. თუ საზღვარგარეთ სწავლას, მუშაობას ან ცხოვრებას გეგმავ, დიდი ალბათობით IELTS დაგჭირდება.
Academic თუ General Training?
- IELTS Academic საჭიროა უნივერსიტეტში (ბაკალავრიატი, მაგისტრატურა) ჩასაბარებლად.
- IELTS General Training ძირითადად სამუშაოდ ან ემიგრაციისთვისაა საჭირო.
სანამ მომზადებას დაიწყებ, გადაამოწმე, რომელ ვერსიას და რა ქულას ითხოვს შენთვის საინტერესო უნივერსიტეტი ან ორგანიზაცია.
გამოცდის ოთხი ნაწილი
- Listening (მოსმენა): დაახლოებით 30 წუთი
- Reading (კითხვა): 60 წუთი
- Writing (წერა): 60 წუთი, ორი დავალება
- Speaking (ლაპარაკი): 11–14 წუთი, პირისპირ გასაუბრება შემფასებელთან
თითოეული ნაწილი ცალკე ფასდება 0-დან 9-მდე (band score), საბოლოო ქულა კი ოთხივე ნაწილის საშუალოა.
როგორ დავიწყოთ მომზადება
- გაიგე შენი დონე. დაწერე საცდელი ტესტი და ნახე, რამდენად შორს ხარ სასურველი ქულისგან.
- დაისახე რეალისტური ვადა. ერთი band-ით გაუმჯობესებას, როგორც წესი, რამდენიმე თვე სჭირდება.
- ივარჯიშე ოთხივე უნარში. ხშირად ყველაზე რთული Writing და Speaking არის, რადგან აქ შემფასებელი კონკრეტული კრიტერიუმებით გაფასებს.
- გაეცანი გამოცდის ფორმატს. დროის მართვა ისეთივე მნიშვნელოვანია, როგორც ენის ცოდნა.
- მიიღე უკუკავშირი. წერითი დავალებები და ლაპარაკი გამოცდილმა მასწავლებელმა უნდა შეაფასოს.
EduGlobal-ში IELTS-ის მომზადება ინდივიდუალურ დონეზე და მიზანზეა მორგებული. დარეგისტრირდი და დაგიკავშირდებით.