ეროვნული გამოცდები აბიტურიენტის ცხოვრებაში ერთ-ერთი ყველაზე მნიშვნელოვანი ეტაპია. ინგლისური ენის გამოცდაზე წარმატება დამოკიდებულია არა მხოლოდ ცოდნაზე, არამედ სწორ დაგეგმვაზე და რეგულარულ ვარჯიშზეც. გიზიარებთ რჩევებს, რომლებიც ჩვენს აბიტურიენტებს ეხმარება.
1. დაიწყე ადრე და დაგეგმე
საუკეთესოა, მომზადება ბოლო კლასის დასაწყისში ან უფრო ადრე დაიწყო. გაყავი მასალა კვირებად და ყოველ კვირას რამდენიმე თემაზე იმუშავე.
2. გაეცანი გამოცდის ფორმატს
ოფიციალური ინფორმაცია და წინა წლების ტესტები შეფასებისა და გამოცდების ეროვნული ცენტრის (NAEC) ვებგვერდზეა. ამოხსენი ისინი რეალურ დროში. ასე გამოცდაზე ფორმატი გაკვირვებას აღარ გამოიწვევს.
3. გაიმეორე გრამატიკა სისტემურად
დროები, პასიური გვარი, პირობითი წინადადებები, ირიბი თქმა, არტიკლები და წინდებულები ყველაზე ხშირად შემოწმებული თემებია. თითოეულზე იმუშავე ცალკე და მერე შერეულ სავარჯიშოებში.
4. ააშენე ლექსიკა კონტექსტში
ახალი სიტყვები ისწავლე წინადადებებში და არა სიებად. ყურადღება მიაქციე ფრაზულ ზმნებს და სიტყვაწარმოებას (word formation).
5. იკითხე ყოველდღე
მოკლე სტატიები, ამბები, ინტერვიუები ინგლისურად. კითხვის უნარი და სიჩქარე მხოლოდ რეგულარული ვარჯიშით იზრდება.
6. ივარჯიშე წერაში და მიიღე უკუკავშირი
წერითი დავალება ბევრ ქულას იძლევა. დაწერე რეგულარულად და სთხოვე მასწავლებელს შეფასება. მხოლოდ ასე დაინახავ საკუთარ შეცდომებს.
7. ივარჯიშე დროზე
საცდელი გამოცდები სრული დროით დაგეხმარება დროის სწორად განაწილებაში და სტრესის შემცირებაში.
EduGlobal-ში აბიტურიენტების მომზადება ეროვნული გამოცდების გამოცდილი შემფასებლის ხელმძღვანელობით მიმდინარეობს. ჩვენი ყველა აბიტურიენტი სტუდენტი გახდა!
გინდა, შენც ჩვენთან მოემზადო? დარეგისტრირდი და დაგიკავშირდებით.